Cifranan oficial di AHATA: ORANJESTAD (AAN): Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna, y CEO di AHATA Tisa LaSorte, ta raporta cu recuperacion di grado di ocupacion ta sigui den bon rumbo.
Pa luna di Juni 2021, segun AHATA pa loke ta e Ocupacion nan tin e siguiente informacion. E grado di ocupacion tabata 69.5%; un reduccion di 16% compara cu juni 2019.
Pesey pa e detaye di ADR, e balor promedio di cada camber bendi tabata $246.05, cual ta 8% mas cu na 2019.
Asina ta yega na e cifra di RevPAR. Aki por bisa cu e entrada promedio pa tur camber disponibel tabata $171.06, representando un reduccion di 9% compara cu 2019.
PROME MITAR DI 2021:
Den prome 6 luna di 2021, Aruba su hotelnan a experiencia ocupacion averahe di 45%. ADR a reduci cu 15% compara cu e mesun temporada na 2019, y RevPAR a resulta di ta 55% menos.
Ocupacion promedio di hotel na juli ta proyecta na 76% y pa augustus ta proyecta na 70%. Expectativa actual pa ocupacion promedio di henter aña 2021 ta 57%, cual ta 33% menos cu ocupacion di 2019.
TIMESHARE:
Nan tin cifranan poni apart pa e propiedadnan na Aruba cu ta draai riba e modelo di timeshare. Segun cifranan di AHATA, e ocupacion na e propiedadnan Timeshare tabata 81% na juni y proyeccion pa juli ta 87%.
E hotelnan cu ta miembro di AHATA: Amsterdam Manor Beach Resort, Barcelo Aruba, Boardwalk Boutique Hotel, Brickell Bay Beach Club, Bucuti & Tara Beach Resort, Courtyard by Marriott, Divi & Tamarijn All-Inclusive, Eagle Aruba Resort, Holiday Inn Resort Aruba, Hyatt Regency Aruba, Hyatt Place Aruba Airport, Manchebo Beach Resort, Marriott Aruba & Stellaris Casino, Paradera Park, Radisson Blu Aruba, Renaissance Aruba Resort, The Ritz-Carlton Aruba, RIU Palace Aruba, RIU Palace Antillas y Talk of the Town Hotel.
Timeshare miembro di AHATA: Divi Aruba Phoenix, Divi Dutch Village, Divi Village Golf, La Cabana, Marriott Ocean Club, Marriott Surf Club.
