Obra teatral na Colegio EPI a enfoca riba tur aspecto di loke ta pasa den Prizon KIA

ORANJESTAD (AAN): Recientemente a tuma lugar e obra teatral ‘Mi Tin Derecho’,

cu a ser presenta door di e studiantenan di Colegio EPI Unit Salubridad y Servicio di tercer aña studiando pa “Sociaal Pedagogische Werker”.

   Durante e presentacion di nan monologo a bin dilanti e topico di infrastructura, ambiente laboral y derecho humano pa e instancia escohi KIA, Korrectie Instituut Aruba.

   Como clausura di e modulo "expressie 4002.6'" a infoca riba e problema social: E pakico un persona ta cay cera?

   Como preparacion studiantenan mester a hasi investigacion riba e tema y e problemanan cu un prizonero, bewaarder y director ta haye of ta pasa aden, e delito cu e prizonero a comete y kico a impulse p'e hacie. Un prizonero tambe tin derecho. Un bewaarder y director tambe lo kier mira mehoracion pa un prizon ideal cu e mihor maneho y oportunidad.

  Un prizon cu un bon programa pa coregi y por re-integra e persona bek den comunidad. Mas trahador y un mihor maneho profesional.

   Les a wordo duna door di docente Joan Danies, docente di 2do grado CKV y Cert. Toegepaste Phychologie. Publico a presencia con cada studiante a personifica nan personahe den un forma responsabel, artisticamente y real. Un danki na Karina D Tromp cu a fungi como "beoordelaar", y pabien na e studiantenan di klas 4-3 WZ y na Jufr. Joan.