Sistem di prepaid coriente trahando full bek
ORANJESTAD (AAN): E ultimo update cu e compania NV Elmar a duna di nan dolor inmenso di cabez desde Diahuebs, ta cu a logra pone bek online diferente aplicacion cu ta yuda ciudadanonan, y tambe instaladornan di coriente.
Diabierna anochi pa 7:30 pm, personal di IT di NV Elmar a traha duro y a logra pone varios aplicacion bek online pa duna bek e servicio cu tur hende ta depende di dje.
Desde Diabierna anochi, e siguiente servicionan a wordo reestableci: (*) E clientenan di SmartUp Prepaid Meter por top up / recarga bek na stacionnan di gasolin. (*) Nan asina yama ‘CE portal’ pa instaladonan reconoci ta bek online via browser.
Tambe a pone bek online e website di Elmar. Tambe a pone e SmartUp Prepaid Service y EV ChargeUp riba Pay.Aw. Tambe a pone su EV ChargeUp riba e evergo app.
Elmas su SmartUp Prepaid Service ta bek online! ELMAR Su clientenan di SmartUp Prepaid por cuminsa recarga na su comodidad pa garantisa continuidad di e servicio.
E proceso di reestablecemento di nos aplicacionnan ta sigui. Lo por spera mas actualisacion te na momento cu reestablece tur aplicacion. ELMAR ta trahando intensamente pa reestablece e aplicacionnan mas pronto posibel.
