NTN24 a entrevista Prome Ministro Wever-Croes

ORANJESTAD (AAN): Diahuebs anochi trempan, e canal di noticia NTN24 di Colombia, e periodista Idania Chirinos di e programa ‘La Tarde’, a tene un entrevista bibo cu Prome Ministro Evelyn Wever-Croes.

   E entrevista haci via Zoom, a elabora riba e hecho cu Gobierno di Aruba a yama eleccion adelanta, y a papia riba e problema cu a surgi, y cual ta e plannan pa den futuro reduci casonan di corupcion cu por presenta su mes.

   Tambe a elabora riba e forma con Aruba a restart su economia despues di e crisis di pandemia, y e periodista a keda impresiona cu 68% di poblacion di Aruba ya ta totalmente vacuna.

   Wever-Croes den e entrevista a splica e audiencia di NTN24, cu ya for di Juli 2020 a habri frontera bek y turismo ta mustra di cera 2021 cu un porcentahe basta aceptable.