Un tienda masha popular entre habitantenan di Savaneta, Brazil, Cura Cabai ta La Mano de Dios.
“ La Mano de Dios” tabata situa ariba caminda principal pa bay San Nicolas na altura di Cura Cabai, net un tiki prome cu bo yega Brasil.
Hopi biaha tiendanan popular ta bira tambe punto nan di referencia ora di haci informacion ariba direccion. Si bo puntra cualkier hende den vecindario un e caminda pa bay Zeewijk ta keda mesora e ta bisa bo “ bo mester pasa “ La Mano de Dios” y despues di algun cas y bo ta bira na man drechi.
E temponan aya corantnan tambe tabata uza tiendanan popular como punto di referencia den nan noticianan. “ E accidente sosode na altura di “ La Mano de Dios”.
Awe na 2022 “ La Mano de Dios” no ta existi mas pero si e edificio ta practicamente den bon estado y den su estado original.
Un supermarket ta ocupa e edificio.
Compila pa Roberto Croes
Nos Historia Nos Herencia
