Noord a corona su Reinanan di Carnaval 2027

E tabata den Centro di Bario Noord:

ORANJESTAD (AAN) -- Recientemente  den Centro di Bario Noord, a wordo celebra e “Halloween Party” 2026, cu coronacion di e Reinanan di Carnaval 2027: Reina Infantil, Reina Hubenil, Reina Grandi y Señora Carnaval.

   Centro di Bario Noord asina a presenta e bunita Reinanan di Carnaval di nos Distrito di Noord 2027, y nan ta:

   Señora Carnaval 2027: Farignalda Felicia ken a wordo corona pa señora Shailiny Tromp-Lee.

   E Reina Grandi 2027: Jehdeiah Flanegin, ken a wordo  corona pa Mr.Jose Tromp.

   E Reina Hubenil 2027: Ryziliane Richardson ken a wordo corona pa Juf. Julisa Boekhoudt.

   Nos reina Infantil di Noord pa aña 2026m Amelie Koolman, a baha su corona y sigur nos kier gradici Amelia cu a haci un tremendo papel y a trece e corona di Reina Infantil di Aruba su Carnaval 72, pa Noord.

  E Reina Infantil Noord 2027 ta Claire Demi Maduro, cu a wordo corona pa Tanta Ignacio. E tremendo celebracion aki tabata musicalmente anima pa “Music by D’Nova”.

   CELEBRANDO 60 AÑA: Carnaval di Noord ta celebra 60 aña y nan lo dedica e carnaval di Mucha na un persona cu a traha incansablemente pa nos distrito di Noord cu ta señora Tanta Marlyn Ignacio.