Nomber di studiantenan cu a ricibi Clint Whitfield Outstanding Student Awards

ORANJESTAD (AAN): Manera DIARIO a trece dilanti caba, durante un reunion general di Kiwanis Club of Aruba,

diaranson, 30 di juli, 2025, a tene e evento anual cu ta honra alumnonan di Colegio Arubano cu a sobresali den aña escolar 2024-2025. E alumnonan aki no solamente ta worde reconoci pa nan logronan academico, sino tambe pa nan compasion, metanan y compromiso pa traha riba un mihor futuro.

   Kiwanis Club of Aruba a yama bon bini na invitadonan distingui, manera Ministro di Turismo, Labor y Transporte, mr. Wendrick Cecilia, Parlamentario Gino Goeloe, mayornan orguyoso, mentornan y administratie di school, conrector di Colegio Arubano, juffrouw Gwen Davelaar  y  miembronan di Kiwanis Club of Aruba.

   Recipientenan di e Clint Whitfield Outstanding Student Award ta como lo siguiente:  Pa CB1 tin Tristan Wolter. Pa CB2 tin Laura Bonnevalle.  Pa Havo-3 tin Kian Bareño.

  Pa Havo-4 tin Jia Zhong.  Pa Havo-5 tin Ariadna Franco Franka.  Pa VWO-3 tin Chantal Mousalli Avendaño.

   Pa VWO-4 tin Jerriq Tromp.  Pa VWO-5 tin Evie van der Sloot.  Pa VWO-6 tin Winton de Greef.

   Como highlight di anochi, Evie van der Sloot di V5 a ricibi e Legacy Award presenta pa Strena Creatives. Evie a expresa su aprecio y emocion pa bolbe otro aña pa e 30 aniversario di e Clint Whitfield Outstanding Student Award. E ta planea pa gradua di V6 y sigui su soñonan pa studia medicina na Hulanda.

   Kiwanis Club of Aruba kier felicita tur e alumnonan, recipiente di e Clint Whitfield Outstanding Student Award 2024-2025!