ORANJESTAD (AAN): Despues di a atkiri e accionan den Banco di CaribeAruba N.V. riba 23 di December 2024,
AIB BANK N.V. ta contento di por anuncia cu a termina e periodo di transicion den uso di e nomber y logo di Banco di Caribe.
Entrante e siman aki, pueblo lo cuminsa nota e cambio di nomber y logo di e Banco. Enomber oficial a wordo cambia pa AIB Commercial Bank N.V. operando bou nomber AIB BANK, entrante 2 di november 2026, despues di a obtene e aprobacionnan rekeri, entre otro di e regulador y cambio di e statuut.
E logro importante aki ta representa un capitulo nobo den e desaroyo di e Banco, construyendo riba e fundeshi, relacionnan y logronan estableci mientras ta posiciona e institucion pa crecemento continuo, innovacion y mehoracion den entrega di servicio.
E rebranding ta e comienso di un fase nobo pa e Banco y su stakeholders, incluyendo e clientenan y nos empleadonan. Reconociendo e dedicacion y profesionalismo di nos coleganan di e Banco kende nan contribucion a resulta instrumental den e desaroyo di e Banco.
Den e dianan benidero lo mira e transicion di e rebranding tambe di e mashinnan di Point of Sale y ATM’s. Excepcion lo ta e carchinan di debito y credito, tambe e mobile app y online banking cu lo sigui opera temporalmente bou di e brand anterior Banco di Caribe te ora cu AIB lansa su plataforma di ‘core banking’ nobo na 2027
Mientras tanto, Banco di Caribe N.V. (Curacao) lo sigui provee servicio di tecnologia di informacion (IT) y procesamento di pago te ora cu e plataforma bancario wordo poni den servicio.
Frendsel Giel, Managing Director/CEO AIB BANK N.V. a expresa su gratitud na Bancodi Caribe N.V. pa permiti AIB BANK N.V. uza su brand durante e periodo di transicion y ta contento di por amplia e brand di AIB Bank awor tambe cu un banco comercial.
“Nos vision pa AIB Commercial Bank N.V. (AIB BANK) ta pa desaroya unbancocomercial fuerte, enfoca riba cliente y cu un mira pa futuro cu ta contribui di un manera significante na desaroyo economico, ta sostene negoshinan, ta crea oportunidadnan, y ta entrega balor sostenibel na tur stakeholdernan. Nos ta comprometi pa inverti den nos hendenan, tecnologia, productonan y servicionan bancario mientras ta mantene e normanan mas halto di maneho di riesgo, gobernacion y regulacion corporativo y compliance."
E transicion di Banco di Caribe Aruba N.V. pa AIB Commercial Bank N.V. (AIB BANK) ta marca e comienso di un capitulo nobo excitante. Cu e sosten di su accionistanan, gerencia, empleadonan, clientenan, reguladornan y partnernan comercial, e banco lo percura pa fortalece su presencia riba mercado, amplia su capacidadnan, adopta transformacion digital, y contribuí na e desaroyo sostenibel di economia
