ORANJESTAD (AAN): Den Piedra Plat Entertainment Center a tuma luga a graduacion di e alumnonan di klasnan 6A y 6B di Maria school na St.Cruz.
Tawata e alumno Jayden Maduro (13) esun cu a habri e celebracion cu un poesia dedica na su compañeronan di klas y gradiciendo e staf y personal di su scol, pa tanto aña di cariño.
Director Jahaira Marrug a expresa palabranan di pronto recuperacion pa meneer Garrick di klas 6A. Despues meneer Marvin Vrolijk a sigui cu entrega pa klas 6B. Tawata un atardi sumamente bunita y agradabel den cua cada alumno a scucha un pida di su biografia y finalmente a firma su certificado oficial.
E musica tawata di Dj Alvin y e mc, Addonsito Croes. E team completo y campeon di Maria School presente, a gradici y desea nan muchanan talentoso tur clase di exito pa futuro.
https://diario.aw/categories/noticia/general/nochi-di-graduacion-na-maria-school#sigProIdc7354d7944
