ORANJESTAD (AAN); Si bo bay firma pa Partido MAS, pa Partido RAIZ, pa Partido HTC, of pa Partido CURPA, semper e trahador di Censo na final lo puntra e ciudadano,
si e ta sigur cu e ta firmando pa e partido ey.
E ta djis un ‘final approval’ pa abo confirma cu esey ta e partido, y pa e trahador di Censo tambe sa cu esey ta e partido cu e tin di registra cu a caba di haya un firma di sosten.
Ta mescos cora cu bo kier haci cambio na un APP of na un computer, e ta puntrabo “Are you sure?”
Esey tambe ta loke e trahador di Censo ta puntra en general pa asina finaliza e proceso cu e ciudadano pa pone su firma.
Tur e otro partidonan ta compronde e “final approval confirmation” ey. E ta algo basico. Sinembargo a sali na cla awor, cu tres partido no a compronde esey, y mesora a considera e proceso ey di Censo como uno di ‘intimidacion’, siendo cu esey no ta berdad.
