Luenne Gomes-Pieters, DIMP:
ORANJESTAD (AAN): Directora di Departamento di Impuesto (DIMP), Luenne Gomes-Pieters, a subraya cu no tin cambio di tarifa pa loke ta pago di impuesto di vehiculo di motor.
Si bo tabata paga 300 florin aña pasa, ta e mesun 300 florin bo ta paga e aña aki pa full aña. E prome mitad mester wordo cancela prome cu 31 di januari.
Tin cierto tipo di plach'i number cu mester paga den un solo pago. Ta conseha e contribuyente pa wak nan recibo di aña pasa ya cu no tin cambio, no tin plach'i number nobo, ni tampoco gasto pa plach'i number nobo tampoco, a bisa.
Si e persona a cumpra un auto nobo y mester traha un plachi, e ora si tin gastonan di plach'i, a agrega.
DIMP ta pendiente pa e contribuyentanan cu ainda falta pa paga y ta haci un apelacion na nan pa no warda te ultimo momento.
Corda cu por haci pago pa medio di banco, pero esaki mester hacie cu tempo pa e pago no drenta laat na DIMP. Pa su siguiente dia, e cobransanan adicional, cu boet ta drenta den e sistema di DIMP. Ta procesonan cu ta completamente automatisa. Asina cu e fecha final pasa, e boet tambe ta drenta den e sistema.
Un boet ta algo cu por wordo evita si bo ta planea bo pagonan na tempo.
.
