Lelicia Tromp, Relacionista Publico di WKF
ORANJESTAD (AAN): Lelicia Tromp, Relacionista Publico di Koningin Wilhelmina Fonds Aruba (WKF) a indica cu den temporada di calor aki, ta hopi importante pa tur hende uza un sunblock of sunscreen cu un SPF halto, como tambe cana cu un sombre, y uza paña di colornan cla.
Un otro conseho importante ta pa evita, mas tanto cu ta posibel, pa ta den solo directo entre oranan di 11'or di mainta pa 3'or di atardi.
Tromp a bisa cu durante e dianan di calor aki, ta un bon idea pa no come cuminda grandi, si no parti esaki entre tanto ora, asina bo no ta sinti demasiado yen y por dirigi e cuminda.
Pa mas tips por check nan medionan social of nan website pa haya mas informacion, na unda tin algun foyeto cu nan por download y lesa cu tur trankilidad.
