Entrante diasabra 19 di Maart:
ORANJESTAD (AAN): Un informe cu a bira oficial diaranson ta esun relaciona cu e cambio den e maneho di entrada pa esnan cu ta bishita Aruba.
Entrante diasabra awor 19 di maart, tur viahero cu ta drenta Aruba no lo wordo rekeri na presenta un prueba (test) di Covid-19 negativo of un certificado di vacunacion.
Sinembargo, tur esnan cu ta drenta Aruba ainda lo wordo pidi pa yena e asina yama ED Card (Aruba's Embarkation/Disembarkation Card) prome cu nan viahe pa Aruba.
Esaki ta un proceso cu ta tuma lugar digitalmente y cu mester wordo haci den e tres dia prome cu e viahe.
Un seguro di viahe tambe lo wordo pidi na tur bishitante.
