ORANJESTAD (AAN): Na Aruba tin hopi hende cu sea tur dia, of tur siman ta hunga nan numbernan vast.
Esey ta cifranan fiho cu tin nificacion special, cu nan ta hunga semper pa weganan di loteria.
Esey ta loke Nico a haci tambe, y el a purba recien su suerte cumprando e numbernan vast. Ora el a mira resultado, el a keda hopi contento mes.
Pesey riba Dialuna el a acudi na oficina di Lotto na Playa pa reclama su premio. Aki nan a revisa su ticket y ora di scan e barcode, e computer a mustra cu Nico a gana e suma di 37.500 Florin cu e wega di Zodiac.
Asina a cuminza cu e proceso pa transferi e premio electronicamente pa su cuenta di banco. Nico a bisa cu e ticket ganador el a cumpra na Mahuma Lottery & Snack.
