ORANJESTAD (AAN): Nephtaly Croes a wordo apunta como Director di Ingenieria, efectivamente desde 16 di Juli, despues di a sirbi como Assistant Director pa e ultimo dos aña.
Nephtaly a asisti Director di Ingenieria Ramon Avila kende a traha riba e isla pa cuater aña prome cu regresa su hogar, Puerto Rico, na comienso di aña.
Na su salida, tabata un gran placer pa Avila pa laga su estimado departamento di ingenieria den man di un dama extremamente qualifica, Nepthaly, kende a cuminsa vigila e actividadnan di e departamento desde e momento ey.
Un graduado den Industrial Engineer, Nephtaly tabata buscando trabao riba e isla den su ramo, el a bay un entrevista na Hilton Aruba Caribbean Resort & Casino pa e departamento di ingenieria, sin tin ningun experiencia den hospitalidad.
E tempo ey, e tabata haciendo proyectonan special pa WEB y despues na e planta di Bubali Plas, y na momento cu el a menos spera, e resort a yam’e bek pa un segundo entrevista.
E tabata yena cu stress, e ta admiti, pero e respondi tabata positivo, y ora cu el a accepta e oferta el a wordo manda pa Florida pa un experiencia di 6 siman riba veld na un cantidad di Hilton resorts den e area di Orlando, pa asina e por cuminsa haya un bista den e branch di ingenieria.
Nephtaly ta bisa cu esaki a yuda hopi y tabata un oportunidad educacional di cual el a beneficia masha di dje. Despues di regresa for di Merca, el a join e compania na January 2019, vigilando electrishent, carpinte, pintornan y un crew di 27 hende. E ta encarga cu hardineria, pools, camber y areanan publico, hasta e hardin di parha, sintiendo su mes na cas y trankil, conociendo cada detaye di e facilidad, canando, scuchando, siñando, specialmente for di su long-time supervisors.
“Mi ta siñando tur dia ainda,” e ta bisa, y desde e retiro di Avila, el a demostra liderazgo excelente y hopi bon abilidad den organisacion, demostrando cu bo por conta cu ne na e Grande Dame di Palm Beach.
Durante un interupcion reciente, el a haya su mes na room service, banda di otro cabesnan di departamento, dunando nan un man. “Mi ta fit in, y mi ta kinan pa keda,” e ta declara.
