E aña aki den su di seis edicion na Aruba
ORANJESTAD (AAN)- Señora Nenny Kamperveen, ta miembro di e Organizacion cu caracter Internacional “Baseball in Paradise”, cu tin e mision di rescata mucha y hobennan for di caminda incorecto.
E aña aki, 2026, ta e di seis edicion di eventonan aki na Aruba, y e persona cu ta organiza e actividadnan ta su yiu mayor, e dama a duna di conoce.
Kamperveen a reitera cu e eventonan deportivo cu nan ta organiza ta pa hubentud y na Hulanda, por ehemplo, nan ta hopi ocupa sacando muchanan for di caya, door cu nan no tin stabilidad social den nan bida, nan ta haya training di salud mental, y ta mira un cambio den e muchanan aki, pa nan futuro.
El a comenta cu p’esey e proyecto a lanta, y nan a dicidi di bin Aruba pa comparti eventonan deportivo cu nos hobennan Arubiano.
Den e trayecto di seis aña cu e proyecto ta wordo organiza na Aruba, ya tin 51 mucha (destaca) cu a wordo filma.
E evento cu a tuma lugar di 11 pa 17 di October di e aña aki a bay hopi slow, pa loke ta presencia di publico, mientras cu participante tabata tin 1165. Tin muchanan cu a bin di Merca, Belgica, Australia, Mexico, Curacao, Bonaire.
E proyecto ta dirigi na mucha for di 9 aña te hoben di 26-27 aña.
