ORANJESTAD (AAN): Despues di varios hit cover songs den e genero kompa, awor Nando Chirino ta lansa un single nobo,
un cancion vibrante di AfroBeat - Crioyo, un homenahe na e spirito di Festival di Cosecha (Simadan), celebra ‘riba nos islanan ABC.
E tema nobo aki ta hiba e titulo di ‘Awa Yobe’ y ta sali riba tur plataforma di streaming dia 24 di Maart 2025.
‘Awa Yobe’ ta un tema componi pa Nando Chirino mes, aregla pa Stanley Clementina y graba den e studio di Steez Music, y e mix a wordo haci pa Sean Cannister.
