Na October e porcentahe di ocupacion di hotel tabata 60% 

ORANJESTAD (AAN):  Aruba Hotel & Tourism Association (AHATA) ta publica e cifranan di ocupacion y prijs di hotelnan mensualmente, y data di October ta indica cu e ultimo ola di COVID a causa un perdida averahe di 12 punto di grado di ocupacion.

Despues cu CDC a hisa nivel di alerta pa Aruba, mas cancelacion di reservacion, y specialmente di grupo, a drenta. 

EFECTO RIBA OCTOBER: WAK GRAFICO 1 

DATA OCTOBER 2021: 

Ocupacion: E grado di ocupacion tabata 60%; cual ta un recuperacion di 79% compara cu october 2019.

9 di 20 hotelnan a experiencia un grado di ocupacion cu ta menos di 50%.

ADR: E balor averahe di cada camber bendi tabata $238.24, cual ta 8.6% mas halto cu na 2019.

RevPAR: E entrada averahe pa tur camber disponibel tabata 14% menos cu na 2019, yegando $143.35. 

2021 TE CU OCTOBER: 

Durante e prome 10 lunanan di 2021, Aruba su hotelnan a experiencia un grado di ocupacion averahe di 54%; cual ta un recuperacion di 64% compara cu mesun temporada na 2019.

ADR ta 7.4% menos y RevPAR ta 41% menos compara cu e temporada na 2019. 

PROYECCION DI RECUPERACION:  WAK GRAFICO 2 

TIMESHARE: 

Ocupacion na propiedadnan Timeshare tabata 81% na October, y ta proyecta na 82% pa e luna di November.