Na Irausquin Boulevard lo haci separacion di e sistemanan di awa di yobida cu awa di riolering

Frank Benita, encarga cu maneho di RWZI:

ORANJESTAD (AAN): Frank Benita ta e persona cu ta dirigi e maneho di awa di RWZI (Rioolzuiveringstallatie) di DOW  a laga sa cu e planta cu tin e liña mayor cu ta bin for di LG Smith Boulevard pasa via e pomp di Palm Beach pasa dilanti di Marriott Courtyard Hotel y core te riba e sistema existente.

  Asina aki ta laga loke ta e parti di riolering patras di Embassy Suites Hotel cu ta tuma un parti di Riu, di St Regis cu lo bay bin, Divi Phoenix y Blu cu ta bin pa e planta di Bubali.

                Segun Benita, e idea ta pa separa esaki pa por garantisa cu e sistema tin capacidad suficiente pa loke ta e fluho di awa principalmente den e temporada di yobida.

            Den e proyecto nobo di embeyecimento di caretera dilanti di 'high-rise hotels' na Irausquin Boulevard lo haci separacion di e sistemanan di awa di yobida cu awa di riolering.

            El a agrega cu pa loke ta e parti di alerta lo bay na sistemanan mas moderno pa por ricibi alerta mas tempran. 

FONDONAN PA EHECUCION 

            Esaki ta algo cu tin ariba plan, pero pa por ehecut'e mester di fondo. Ta den e proceso di privatisacion di e departamento y esaki tambe ta parti di e plannan cu tin pa loke ta henter e sistema di tratamento di awa sushi y di riolering, Frank Benita a duna di conoce.