Parlamentario Endy Croes
- Esaki durante bishita di delegacion di IPKO
ORANJESTAD (AAN): Informacion direct for di Hulanda, ta indica cu durante reunionnan di IPKO (Interparlementair Koninkrijksoverleg) na final di atardi e delegacion a haci un bishita na Haagse Hogeschool unda e tema “Onderwijs binnen het Koninkrijk” central tabata riba agenda. E delegacion a worde ricibi pa Presidente di e College van Bestuur Sra. Minnemann y tambe Directeur di faculteit Bestuur Sr Van Nieuwkerk y Daniels Lector di Koninkrijkszaken. Haagse Hogeschool tin un opleiding cual ta brinda un minor den Koninkrijkszaken y postacademische leergang Koninkrijkszaken.
E opleidingnan aki a worde crea door di falta di conosemento serca studiantenan y ambtenaren pa lokual ta trata Koninkrijkzaken. Hunto cu colaboracion di Universidadnan di Aruba, Curaçao y Utrecht y ministerie Binnenlandse Zaken y relacion cu Reino ta percura pa crece e conosemento di Caribisch deel di Koninkrijk.
Esnan di Caribe: Riba e tema ‘Studentensuccess Caribische studenten’, e delegacion a ricibi presentacion interesante di Tijhuis, Saxion y Voorzitter mevr.De Joung di Samenwerking HBO Studentensucces Caribische Studenten. Mevr. Holleman di Fontys Hogeschool y studiante Shane Lobato de Mesquita di Fontys tur miembro di dicho studentenraad tambe a forma parti di dicho presentacion.
Nan a elabora riba “Study Choice” cu ta brinda guia na e studiantenan na e islanan caba pa escohe su richting cu e kier guia alavez nan tin un pre-departure program y ta prepara e studiantenan pa e cultuurshock, kico ta ensera biba na Hulanda, taalonderstuening pues ful un pakete di un guia extenso.
Papiamento: Algo interesante cu riba agenda tabatin ‘Papiamento como instructietaal den enseñansa na islanan.
Juffrouw Werleman a duna un presentacion y despues 3 experto den enseñansa a duna nan presentacion riba mesun tema. Experto Kibbelaar onderwijsadviseur y specialisa den onderwijsproblematiek di islanan ABC tin vision cu enseñansa mester ta solamente na Hulandes na e islanan cuminsando desde kleuter school.
Experto Mercelina ta di opinion cu esaki mester ta tweetalig. Regina Croes experto den enseñansa di Aruba a duna un tremendo presentacion splikando cu papiamento mester ta e instructietaal como cu ora un mucha domina papiamento e ta siña otro idiomanan mas mihor.
Estudionan ta confirma esaki. Un tremendo debate na Haagse Hogeschool. Desde augustus 2024 Aruba a introduci papiamento na scolnan despues di varios investigacion cu a worde haci riba e tema y ta cuadra hopi cu e presentacion di experto Regina Croes y tambe experto Mercelina. Trabaonan riba e plataforma IPKO a continua na tera frieu.
