ORANJESTAD (AAN) – Docter Yuri Casseres den conferencia di prensa di update di e situacion actual di Covid-19 na Hospital dr. Horacio Oduber,
y e cantidad di pashentnan den Unidad di Cuido Intensivo, cual ta completamente yen caba, a referi ademas na un di tres shot di vacuna contra Covid-19.
Docter Casseres a menciona cu ainda tin hopi hende na Aruba cu no a tuma ni e prome dosis, y hopi mester bay haya esun di dos, pero na dado momento Aruba lo yega eynan cu mester aplica un di tres dosis, manera e ta tumando lugar na Merca y algun otro pais, caba.
Pero mester bay wak den ki periodo esey lo ta bay ta lo miho. Pero Crisis Team lo prefera pa prome e hendenan cu falta tuma nan prome shot, haya e vacuna y esnan cu pendiente di e di dos dosis tambe keda cla, pa bin anto cu e di tres dosis. Pues esey lo bay tuma lugar!
Aunke docter Casseres no a menciona Pfizer, e pensamento logico ta cu un di tres dosis mester ta di e mesun vacuna aki, cu ta sigui ta esun di mas confiable rond mundo.
