ORANJESTAD (AAN): Pa basta tempo caba Gilbert ta hungando su numbernan vast pa e wega di Zodiac. Pues e tin su numbernan escogi, y tambe e signo poni semper pa su weganan.
Y recien el a bira contento ora cu su numbernan a sali ganador! Pesey riba Dialuna el a acudi na oficina di Lotto pa asina reclama su premio.
Aki nan a revisa e ticket pa mira si e ta OK, y posteriormente a scan e barcode. E computer di Lotto a indica mesora cu el a gana e premio di 10.000 Florin cu Zodiac.
Inmediatamente a cuminza cu e proceso pa transferi e premio pa su cuenta di banco. Gilbert a indica cu e ticket ganador el a cumpra na Prikibos Lottery.
