“Na Aruba ainda tin demasiado caso di negligencia y abuso di animal”

Ley di Cacho 101 --- ORANJESTAD (AAN): Den e 9 edicionnan anterior nos a pasa un pa un riba tur articulo di nos Ley di Cacho.

Awe ta toca turno pa e ultimo articulonan di e Ley. Articulo 8 ta menciona den ki categoria e multa lo ta pa violacion di e diferente articulonan di e Ley.

            Articulo 9 ta specifica cu tur cos cu tin di haber cu pelea di cacho (banda di hopi otro cos cu ya caba ta castigabel) a wordo añadi na nos codigo penal (AB 2012 no. 24, art.2:335; art.3:10).

            Articulo 10 ta nombra e Ley como “Hondenverordening”, pues “Ley di Cacho”, y articulo 11 ta bisa cu lo anuncia ki dia e Ley ta drenta na vigor. Na november di aña 2014 a anuncia esaki y manera cu varios biaha caba a wordo bisa, nos Ley di Cacho a drenta na vigor dia 1 di januari 2015. 
            Nos ta spera di por a contribui na un conocemento mas amplio di nos Ley di Cacho door di bay den detaye riba dje. Awo ta keda na cada un di nos pa tene nos cacho den cura manera cu Ley ta stipula. Ademas, ta pa e motibo ey mester a bini cu e Ley pa obliga tur doño of houder di cacho pa tene nan cacho den cura, paso hopi di nos no a, y ainda varios di nos no ta tuma e responsabilidad pa percura pa nos cacho ta den nos cura.

            Cachonan cu tin acceso liber pa caya a multiplica y e situacion a bay fuera di nos control. Dicon? Pasobra nos no ta tuma e responsabilidad tampoco pa opera nos cachonan pa nan no reproduci. Nos no kier e crianan ey y ta laga nan riba caya.

            Door di esey awe nos tin un populacion di animalnan riba caya cu ya ta un epidemia y nos ta lage den man di gobierno y tur fundacion cu tin di haber cu bestia pa resolve e problematica, mientras cu hopi di nos mes a contribui na e problema pa entre otro e motibonan ilustra.

            Nos ta keha di e prijs di opera nos cacho sin realisa cu si nos a spaar tur luna 25 florin, pa dia nos kier oper’e, ya caba nos tin mayoria di e cen un banda. Nos ta keha di e prijs di veterinario, mientras cu si bo compara e prijs cu otro paisnan cu tampoco tin clinica subsidia door di gobierno, aki na Aruba ainda e prijs ta abou.

            Na Aruba ainda tin demasiado caso di negligencia y abuso di animal. Cachonan no ta wordo teni na un “looplijn” manera stipula den Ley y hopi biaha e cadena ta mucho cortico.

            Cachonan no tur ora tin un dak pa sconde pa awacero of pa solo. Ban nos tur hunto ta doño mas responsabel pa nos mascota. E ta bon pa nos, e ta bon pa nan y e ta bon pa nos pais. Un dicho di Mahatma Gandhi ta bisa: e grandesa di un pais y su progreso moral por wordo husga na e manera cu su animalnan ta wordo trata (“the greatness of a nation and its moral progress can be judged by the way its animals are treated”).

Memorie van Toelichting art.8-11
Ad artikel 8

• 
•  

---------------
Het voorgestelde artikel regelt de strafbaarstelling van overtreding van het bepaalde bij en krachtens deze landsverordening. Voor de hoogte van de maximale geldboete is aansluiting gezocht bij de (geld)straffen, die in een toekomstig Wetboek van Strafrecht zullen worden voorgesteld (geldboete van de derde categorie).

Ad artikel 9
---------------
Het blijkt dat het houden van hondengevechten zich nog steeds incidenteel voordoet op Aruba. Teneinde deze ergerlijke vorm van dierenmishandeling afdoende te kunnen bestrijden wordt  in het eerste lid voorgesteld aan artikel 477, tweede lid, van het Wetboek van Strafrecht van Aruba twee onderdelen toe te voegen, waardoor het houden van hondengevechten, het gelegenheid geven daartoe en tot het bijwonen ervan expliciet  strafbaar worden gesteld.
Het voorgestelde tweede lid regelt de intrekking van de huidige, verouderde Hondenverordening (AB 1988 no. GT 1).

Ad artikel 10 en 11
-----------------------
Deze artikelen zijn de gebruikelijke slotbepalingen van een landsverordening.