Addonsito Croes ta felicita nan
ORANJESTAD (AAN): Cu tres sala di Cas di Cultura (ubica awor temporalmente den Ballroom di Paseo Herencia) completamente bendi, mr. Ferdinand Franca y e team di Cas di Cultura cu orguyo a cera e ciclo di presentacionnan na Aruba di e musical mas bishita e ultimo añanan na Aruba, esta Grease.
Aña pasa december e musical aki tawata presenta y Aruba a sa di sostene y a bishit’e masalmente. Debi na e exito aki, e musical tawata presenta na Corsou unda cu e exito tawata grandi.
Un pabien grandi ta bay na cada hoben, ayudante, dirigente, musico, actor y actris, sponser, host y coach cu a sa di haci bon trabou presentando un produccion di clase halto na nos islanan.
Pabien y tur exito pa e futuro proyectonan cu mr. Ferdinand Franca y Cas di Cultura lo ta presentando.
