Validez informe DIARIO proba ora mundo liber a humilia Putin --- *Isolacion economia Ruso ta deshaci di eror di mundo liber na 1989 --- *Baratiyo di azeta Ruso y mundo ta kibra blackmail cu “Yiu di Diabel”
ORANJESTAD(AAN)—Mundo a regresa ayera na uno di su posicionnan mas importante for di December 1989 ora muraya di Berlin a basha abou hunto cu existencia di Union Sovietico.
Desaroyonan ayera a confirma validez di informacionnan mundial di DIARIO cu a mustra ayera riba e eror grandi cu mundo a comete ora despues di caida di Union Sovietico y entrada di Rusia como pais entre otro paisnan cu tabata parti di e Union Sovietico.
Mundo a pensa cu un reforma mundial economico den cual Rusia tambe por a participa, lo a deshaci di intentonan di e centro di Comunismo na mundo pa goberna henter mundo.
Den contacto continuo cu fuentenan rond mundo, DIARIO a mustra ayera riba e eror di mundo liber for di 1989, ora Rusia a deshaci di su cortina di hero aparentemente pero mundo tambe a habri porta pa entrega Rusia un lugar di importancia maximo den economia mundial.
Ayera e momento a yega cu mundo liber a dicidi cu ta pone candal na porta di Putin.
Informantenan internacional clave di DIARIO a mustra cu e fecha di ayera ta drenta historia mundial pa diferente desaroyonan clave.
Uno di e puntonan principal di DIARIO tabata cu Nacionnan Uni a duna prueba cu e no ta representa solucion na momento cu e motibonan principal di su historia presenta.
E contesta di mundo liber a bini durante e reunion di G-20 cu ta e organisacion mundial cu a mira luz na 1970 na momento cu e crisis mundial di petroleo a presenta su mes.
For di momento cu crisis di Ukraine a cuminsa, mundo liber kier a cera porta di e reunion di G-20 pa Rusia. Sinembargo e base legal di e organo no a permiti esaki y Rusia a presenta ayera pa e reunion.
Contesta di paisnan liber tabata cu nan no ta participa na e reunion cu presencia di Rusia y a bandona e sala mientras Rusia tabata na palabra.
E humiliacion total di Putin a tuma lugar na momento cu Putin a dicidi cu e ta uza su arma mas pisa pa blackmail mundo, cu a duna prueba cu e ta dispuesto pa sigui dilanti pa pone un fin na e desastre humano internacional cu Putin ta causa.
Ayera mundo liber a cuminsa pone porta economico mundial definitvamente na candal pa Putin, na momento cu paisnan grandi a cumpli cu nan promesa y a scrap petroleo Ruso for di nan lista di compra.
Esaki a conduci na otro humiliacion pa Rusia na momento cu e mester a pone prijs di baratiyo pa su petroleo y exigi pago adelanta di e 37.4 Miyon bari di azeta.
Mundo liber a haci caso omiso di e blackmail di Putin, cu a menasa mundo cu lansamento di su misil cu a haya e nomber di “Yiu di Diabel” pa su potencia destructor.
Sucesonan di ayera a confirma veracidad di informacionnan local y internacional di DIARIO.
Mundo liber a coregi pues e union comercial cu Rusia, cu a bolbe introduci e cortina di hero Comunista pa destrui mundo y hende.
Na 2014 medidanan cu no a duna resultado a wordo tuma contra e pais di Putin, cu a invadi Crimea.
Awe destruccion di e economia Ruso cu a crece cu asistencia di mundo liber, ta wordo marca pa intentonan rond mundo pa deshaci di gas y petroleo di Rusia y habri porta pa posibilidadnan nobo pa entrega di combustibel na ciudadanan rond mundo.l
