Multiculturalidad di Aruba a inspira Rob Vermeer na plasma proyecto fotografico 'Nos Hende'

ORANJESTAD (AAN):  Tin un proyecto masha bunita cu yama 'Nos hende' cual ta un celebracion di e conocido fotografo Rob Vermeer ken tin 52 aña sacando potret pa pueblo di Aruba.

            Despues cu el a retira di su posicion na Checkpoint Color, el a wordo inspira door di e multiculturalidad y diversidad cu ta existi na Aruba.

            Vermeer a presenta un proyecto na Prins Bernhard Cultuurfonds Caribische Gebied cual a hora esaki  pa e por a haci su mes como fotografo accesibel na comunidad. El a bay diferente encuentro comunitario y eynan boluntariamente el saca potretnan di esnan cu kier ta parti di su coleccion nobo.

            E seleccion lo wordo presenta na Censo prome cu aña cera. Ta papiando akinan di mas o menos 20 potret cu ta conta un tiki di e diversidad di Aruba. Tin e posibilidad tambe caminda lo publica un 'Photo Book'. '