ORANJESTAD (AAN): Recientemente Shirley a bay cumpra su numbernan di suerte pa sorteo di Catochi, cu ta ser hunga via Lotto pa Deporte.
El a bira contento pa mira, cu el a logra gana placa! Pesey riba Diaranzon el a acudi na oficina di Lotto na Playa pa reclama su premio. Despues di a revisa su ticket, nan a scan e barcode y e computer a confirma cu Shirley a gana 8.000 Florin.
Sinembargo, como cu el a hunga Multi-X pa e mesun wega ey di Catochi, e anochi ey ta X3 a sali. Esey nifica cu el a multiplica su premio cu 3 biaha, pues na final el a bay cu e premio total di 24.000 Florin.
Mesora a sigui cu e proceso pa transferi e premio electronicamente pa su cuenta di banco. Shirley a indica cu e ticket ganador el a cumrpa na Cura Cabay Lottery.
