ORANJESTAD (AAN): E tin su numbernan vast ta hunga, y e ta cumpra nan pa e sorteo di Catochi Merdia tambe.
Recien el a bira feliz y contento, pa mira cu el a gana.
El a acudi na oficina di Lotto na Playa pa bay reclama su premio. Ora di scan e barcode den computer, esaki a confirma cu Roseangela a gana 12.000 Florin cu Catochi Merdia.
Sinembargo debi cu Roseangela a hunta cu Multi-X tambe pa e wega ey, y e merdia ey ta e X2 a sali, esey nifica cu su premio a wordo multiplica cu 2 biaha. Pues el a haya un premio total di 24.000 Florin.
Mesora a cuminza procesa pa pasa e premio electronicamente pa su cuenta di banco. Roseangela a indica cu e ticket ganador el a cumpra na Indio Stewart Lottery Santa Helena.
