ORANJESTAD (AAN): E tin su numbernan vast di catochi ta cumpra. Leonardo a cumpra nan atrobe, y el a bira feliz mirando cu su numbernan a sali. Pues el a gana 8.000 Florin.
Sinembargo como cu el a hunga e wega di Multi-X, y e merdia ey e bolita X2 a sali, esey nifica cu el a redobla su premio.
Diaranzon el a acudi na oficina di Lotto pa asina reclama su premio. Ora cu a scan e barcode den computer, e machine di Lotto a confirma cu danki na Multi-X, el a gana 16.000 Florin cu e sorteo di Catochi Merdia.
Mesora a start e proceso pa transferi e premio electronicamente pa su cuenta di banco. Leonardo a indica cu e ticket ganador el a cumpra na Prikibos Lottery.
