Muchanan di scol basico a gosa un mundo di nan parada

ORANJESTAD (AAN): Diabierna mainta a tuma lugar e parada di Carnaval pa muchanan di scol basico cu a sali for di Entertainment Center y a termina na Plaza Betico Croes.

Tur e scolnan a bin hopi bon prepara cu nan banners y e muchanan tabata balia y gosa riba henter e ruta riba Vondellaan, acompaña pa e maestro, maestra y mayornan cu a yuda.

E grupo di mucha tabata bastante grandi y e ambiente tabata hopi bon.

Varios di e alumnonan di scol a mustra nan amor pa Carnaval, unda cu bo por a wak cu e chens ta grandi cu den futuro nan lo bira carnavalistanan grandi.