Muchanan di International School of Aruba a haya sa mas di Lionfish

ORANJESTAD (AAN): Recientemente alumnonan di scol basico na International School of Aruba na Wayaca, tabatin un exitoso ‘Siman di Alfabetizacion’. 

E tema di e aña aki tabata “Bao Lama”, y a hiba e studiantenan riba un viahe emocionante unda nan a explora e maraviya di bida bao superficie di lama, via di lectura, siñamento, y creatividad.

   Un di e momentonan mas destaca e siman, tabata bishita di Patrick van Brakel, kende ta experto riba e pisca invasivo yama Lionfish.  El a duna muchanan dato fascinante riba e especie unico aki y a yuda e alumnonan compronde miho e importante di proteha nos ecosistema marino.

   Nan ta gradici Sr. van Brakel pa a dedica su tempo pa inspira y educa e alumnonan, y nan ta hopi contento pa e conocemento cu el a comparti cu nan.