Muchanan di Buki di pret Aruba a bay conoce Cuerpo Policial di cerca

ORANJESTAD (AAN): Cuerpo Policial di Aruba ta contento pa colabora cu Buki di Pret Aruba,

pa duna e generacion hoben di Aruba e oportunidad di conecta cu autoridad hudicial pa haya lo esencial di nan trabao, y haci esaki na un manera cu hopi atencion na loke a ser presenta na nan, y e presentacion a bay na un manera educacional.

   E grupo di muchanan aki ainda gozando di nan vakantie escolar a pasa bishita Warda di Polis Santa Cruz. Aki nan a haya un demostracion, presentacion y por a mira un tiki kico tur un Polis ta haci.

   Agentenan di Mobiele Eenheid, K-9 Unit, Polis di Bario Santa Cruz y personal, staf di polis uniforma y departamento di Comunicacion di KPA a duna hopi informacion importante na muchanan.

   Sigur un dia informativo y educativo cu e muchanan a haya y sigur e smilenan tabata di skina pa skina.  Polis na final a bisa danki na e muchanan di Buki di Pret Aruba pa e bishita.