Muchanan di Buki di pret Aruba a bay admira Bubali Plas y Parke Arikok

ORANJESTAD (AAN): Aruba Conservation Foundation cu ta encarga cu Parke Arikok, ta contento pa un biaha mas colabora cu Buki di pret Aruba,

pa duna e generacion hoben di Aruba e oportunidad di conecta cu Aruba su naturalesa bunita den un manera dushi pero mas importante, un manera educacional.

   Di explora diferente ruta den Parke Nacional Arikok pa siña y mira diferente parhanan na Saliña Bubali, e muchanan a goza di siña mas di Aruba su sistema ecologico y biodiversidad rico y dicon ta asina importante pa nos conserva nos naturalesa. Algun di e muchanan a asta sorpresa nos rangernan cu e conocemento amplio cu nan tin caba.

   Nos ta contento di mira e entusiasmo cu e muchanan ta trece cu nan mainta trempan den nan vakantie di scol.

   Abo ta interesa pa siña mas di Aruba su naturalesa y historia natural? Tuma contacto cu nos pa book un experiencia guia pa nos Nature Experience Rangers awe mes.