Muchanan a keda encanta cu 'Princess Meet & Greet' di The Movies

ORANJESTAD (AAN): Pa celebra e premiere di e pelicula 'live action' di un di e peliculanan mas stima di Disney, 'The Little Mermaid', The Movies a organiza un atardi special cu un 'Princess Meet & Greet'.

Muchanan a keda absolutamente encanta di por a conoce e sirenitanan di e pelicula. Tur tabatin  smilenan grandi ora di saca potret para banda di e

dos sirenitanan.

Estreno di e pelicula nobo a tuma lugar diahuebs pasa, pero segun Luisa Echeverri coordinador di eventonan di The Movies, lo tin otro 'Princess Meet & Greet' riba diasabra y diadomingo, asina muchanan por haya e oportunidad di saca potret cu e 'Little Mermaid'. Echeverri a agrega cu tur dia tin funcion di e pelicula 'The Little Mermaid' varios biaha pa dia, den e salanan di Principal , Gloria y Renaissance.