Diadomingo 3 di Mei ta recauda fondo pa Stimami Sterilisami
ORANJESTAD (AAN): Spacy Island y Vibes Curated ta habri e aña nobo cu Moonwaves, un evento vibrante na beach cu ta uni musica, comunidad y proposito. Tumando lugar Diadomingo 3 di Mei 2026, e evento special lo recauda fondo pa Fundashon Stimami Sterilisami pa sostene su esfuerzonan pa bienestar di animalnan na Aruba, invitando publico pa bin disfruta un atardi dushi y memorabel na lama.
Organisa na Armando’s Kite Surf, Moonwaves ta cuminsa 3:00 pm y ta gratis y habri pa tur hende. Bishitantenan por spera un ambiente yen di energia, musica, y un atmosfera unda localnan y bishitantenan por conecta pa un causa significado. Mas cu solamente un evento di musica, Moonwaves ta crea un espacio pa conscientisa, conecta, y crea un impacto positivo.
E line-up di e evento electronico aki ta inclui DJ Aguilar, DJ Petit y DJ Angeles, cu lo crea un merdia di musica inspira door di e sonidonan di lama y e energia dinamico di e isla. Durante e evento, organisacionnan di rescate lo ta presente cu material informativo, puppies cu ta buscando nan hogar nobo, y tur donacion lo bai pa sostene e programa nacional di sterilisacion di Stimami Sterilisami, cu ta yuda reduci e poblacion di cacho y pushi riba caya den un forma humano y efectivo door di mitiga e problema na su raiz.
Aportando na un Causa Importante: Cada donacion cu wordo haci durante Moonwaves lo bay na Stimami Sterilisami su programa nacional di sterilisacion cual ta cubri 100% di e costo di sterilisacion di tur cacho y pushi registra via su website. Desde 2016, Stimami Sterilisami a sterilisa mas di 47.000 pushi y cacho na Aruba. Door di preveni partonan no desea, e trabou esencial aki ta atende e raiz di sobrepoblashon di bestia di caya y ta yuda reduci negligencia, abandono, sufrimiento y propagacion di malesa.
Sterilisacion tambe ta baha e presion riba e organisacionnan di rescate y recursonan publico, contribui na un comunidad mas sigur, mas limpi y cu mas compasion pa bestia y hende. E impacto aki ta posibel danki na e generosidad di donadornan, boluntario y sosten di comunidad.
Ora di atende Moonwaves, bo no ta solamente disfrutando di un merdia di musica y beach vibes - bo ta agregando bo propio “grano di santo” pa un isla mas bondadoso y un miho futuro pa e bestianan di Aruba.
