ORANJESTAD (AAN): E ta un wega cu ta hopi gusta, y bo mes por dicidi na cuanto bo ta bet cada biaha cu bo cumpra number.
Esey ta loke ta atrae hendenan pa cumpra un ticket pa sorteo di Zodiac.
Monica tambe a bay cumpra su numbernan di suerte, y el a bira feliz pa nota cu su numbernan a gana.
Pesey riba Dialuna el a acudi na Oficina di Lotto na Playa pa reclama su premio. Aki nan a revisa mesora su ticketnan pa check si el a pone su firma patras. Ora di scan e barcode di e ticketnan den computer, e confirmacion a drenta mesora cu el a gana en total 62.500 Florin cu e wega di Zodiac Merdia.
Mesora a cuminza cu e proceso pa transferi e premio electronicamente pa su cuenta di banco. E ticketnan ganador cu el a usa, a wordo cumpra tanto na JR-1 Lottery, y tambe na Cura Cabay Lottery.
