ORANJESTAD (AAN): Riba Diasabra 1 di Februari 2025, ta preparando un fenomenal Bingo pa yuda alumnonan di Mon Plaisir College Havo y Vwo
pa nan recauda fondo pa asina haci nan viahe di estudio e aña nobo aki.
DIARIO a compronde cu e alumnonan di Havo-4 di e scol ta prepara pa bay un studiereis pa Hulanda.
E alumnonan di Havo-3 y tambe Vwo-3 di e scol ta prepara pa un studiereis pa Curaçao. Ya caba bendemento di carchi di Bingo a cuminza, y alumnonan tambe ta bende. Esaki ta costa solamente 10 Florin.
Cu e sosten aki, bo ta yuda e alumnonan pa na haci e viahe aki bira realidad. Pero bo tin chens di gana bon premio tambe. Premionan ta di 250 Florin, 300 Florin, 500 Florin, 600 Florin, 750 Florin, y e fullcard ta di 2.000 Florin.
Esnan cu kier yuda, por cumpra nan carchi di bingo di Mon Plaisir College tambe na Shiribana Bingo Center, Queen Euro Bubali, Manton Lottery na Pos Chikito, y na Essoville.
