Mon Plaisir College cu nan ideanan pa e tema di Common Good Conference

ORANJESTAD (AAN): Siman pasa mes tabatin clausura di Common Good Conference 2026 pa alumnonan di Mon Plaisir College, un iniciativa cu a cuminsa dia 29 di januari 2026.

   Den sala di conferencia, Prome Minister Mike Eman a ricibi bishita di studiantenan di Mon Plaisir College, kende a presenta nan idea riba e tema di “Common Good” (Bon Comun). Tambe e panelistanan cu a participa durante e conferencia di dia 29 tabata presente. Cada un di nan a ricibi un reconocemento di Gobierno di Aruba pa nan aporte na promocion di e principio di Bon Comun.

   Un total di cinco grupo di studiante a presenta nan e proyectonan, tur enfoca riba reto relevante pa comunidad: (*) Contaminacion di plastic y desperdicio riba beach. (*) Criminalidad bou di hobennan. (*) Falta di actividad despues di scol. (*) E impacto di turismo riba cultura. (*) Salud mental bou di hobennan.

  Mon Plaisir College a participa activamente den e Common Good Expo y Conference 2026 (29–30 di januari), cu enfoke riba comunidad, etica y sostenibilidad. Como parti di esaki, studiantenan a forma parti di actividadnan academico, incluyendo bishitanan na Universidad di Aruba, unda nan a dialoga riba tema relevante pa nan futuro y impacto social.

   E presentacionnan aki a confirma cu hubentud ta plenamente consciente di e retonan cu Aruba ta enfrenta, y cu nan tin idea y iniciativa pa contribui na solucionnan sostenibel. Inverti den hubentud ta inverti den futuro di Aruba.  Futuro di Aruba ta basa riba hubentud, responsabilidad y Bon Comun.