Momentonan social riba e prome dia cu Comite Ehecutivo di Panam Sports a yega Aruba

ORANJESTAD (AAN): Dialuna durante dia mientras cu algun reunion a tuma luga cu President Neven Ilic y Secretaria General Jimena Saldaña,

e resto di e comite ehecutivo a yega Aruba pa asina atende e reunionnan cu ta riba Diamars y Diaranson.

   Pa duna inicio pa e bishita special aki, a tene un cena di bonbini na Gasparito Real Estate Aruba, unda cu e ekipo di Comite Olimpico Arubano (COA) a ricibi tur miembro di Panam Sports y asina duna un bon bini den estilo di Aruba.

   Aki tabata tin e oportunidad di por combersa libremente, preparando e grupo completo pa 2 dia intenso di reunionnan importante pa deporte den nos region y claramente Aruba.