Momento special ora seis militar di ARUMIL a huramenta

ORANJESTAD (AAN): Den fin di siman por a mira hopi cara feliz y contento.  E tabata un momento special, y un ocasion di celebra pa seis militar di ARUMIL y un marinero di e flota.

   Nan a huramenta y duna haci nan promesa, den presencia di nan famia.  E ceremonia a tuma lugar na Marinierskazerne Savaneta na Aruba, y Gobernador Alfonso Boekhoudt tambe tabata presente.

   Luitenant-kolonel der Mariniers, esta Art van Beekhuizen, kende ta comandante di Marinierskazerne Savaneta a hiba palabra: “Tur militar ta duna un biaha so e huramento y promesa, e ta un logro bunita den nan carera cu Defensa.  Pesey nos ta honra esaki y para keto na banda.”

   Un palabra di pabien na tur esnan cu a huramenta, y exito cu nan siguiente paso.  E huramentacion a marca tambe e fin di nan fase di opleiding.