ORANJESTAD (AAN): Diamars merdia prome cu Anouk Eman a sali for di Terminal di Aeropuerto despues di yega for di Mexico City unda el a participa den certamen di Miss Universe 2024
y a logra aparece den Top 30 di muhernan mas impactante na mundo, DIARIO a haya chens pa entrevista e dama hoben Jaidyleen Tromp, kende recien a keda eligi como Miss Teen Aruba International 2024.
Claro cu a puntra Jaidyleen Tromp kico el a haci ora di mira e certamen na TV riba Diasabra anochi, na momento cu a anuncia cu Anouk Eman di Aruba ta den e Top 30 di Miss Universe.
Jaidyleen a contesta cu el a “grita” di alegria dilanti TV ora cu esaki a socede. El a mustra cu Anouk Eman a duna un sublime presentacion na Mexico City y cu e ta kere tambe cu Anouk a merece di sali den mas semi-finalista y no djis e Top 30.
Aki por mira cu Jaidyleen ta hopi orguyoso pa e forma con Aruba su nomber a wordo representa den e certamen.
