ORANJESTAD (AAN): Pastor Jairo Maduro y Pader Jose M. Nava ta invita tur studiante cu ta preparando pa pronto bay den exterior pa sigui cu nan estudio pa asisti na un Santo Sacrificio di Misa,
diadomingo awo, 31 di juli pa 8'or di mainta na “Inmaculada Concepcion” Santa Cruz. Mayornan tambe ta invita pa compaña nan yiunan y den union cu tur fielnan pidi Dios Tata, pa medio di Su Yiu Hesu Cristo, pa proteccion y exito pa tur studiante den nan estudio.
Conseho Pastoral Parokial Santa Cruz, den nomber di tur parokiano, ta haci uso di e oportunidad aki pa felicita Pastor Jairo y Pader Jose cu celebracion di nan fecha natal, ariba e mes fecha aki.
Ademas Pastor Jairo ta conmemora 19 aña di su Ordenacion Sacerdotal.
Nan ta gradici Pastor Jairo y Pader Jose pa tur enseñanza, guia y inspiracion cu ta hiba tur mas cerca di Cristo. Sigi ta e ehempel maravilloso di e amor di Dios. Ta invita tur parokiano pa resa y pidi Santisima Trinidad cubri Pastor Jairo y Pader Jose semper cu Su bendicion, amor y luz.
