Mireya Boekhoudt a resulta di ta e ganadora di un tablet den un curso pa Office Assistant

ORANJESTAD (AAN): Desde luna di Augustus 2022, dos compania kendenan a traha hunto,

a haya manera inovativo pa motiva otronan pa nan por logra nan meta di tin exito y logra un mihor oportunidad laboral. Esaki a pasa durante e prome dia di e curso na luna di September.
   Data Tech Institute y Suzy Maduro Consultancy a uni forsa pa asina ofrece hermentnan necesario pa ekipa e cursistanan cu loke ta necesario pa tin exito den e mercado laboral actual, cu ta hopi competitivo.

   Data Tech Institute ta estableci desde 1993 y tin mas cu 25 aña preparando cursista den e area di tecnologia y idioma y Suzy Maduro Consultancy ta di e conocido specialista den PR cu tin un amplio experencia den comunicacion y ta graduado di Bowling Green State University na Merca.

   Entre e graduadonan recien a rifa un Tablet Computer.  E ganadora di e grupo di e cursus di Office Assistant, a resulta Mireya Boekhoudt (man robes) hunto cu e Facilitator di e curso Suzy Maduro y e cursistanan contento cu nan bunita regalo di aprecio.

   E oportunidad pa participa p'e proximo Tablet ta dia 15 di October 2022, dia cu e di dos curso di Office Assistant ta confirma pa cuminsa. Por inscribi door di yama na Tel. 588-0950 of 593-4494.