Monica Kock di Camara di Comercio
ORANJESTAD (AAN): Monica Kock, Presidente di Camara di Comercio di Aruba (KvK) a trece algun punto di bista dilanti pa loke ta cierto desaroyonan den e mundo comercial na Aruba.
El a bisa cu algo cu no por nenga ta cu tin inflacion na Aruba. E cifranan tey caba, pero no ta na Aruba so. E ta na henter mundo cu inflacion ta subiendo.
"Di un banda mi por compronde di hisa e minimumloon pasobra e poder di compra di e hendenan na Aruba ta kitando. Nos ta compronde esey, pero bo mester compronde tambe di otro banda cu si bo ta hisa e minimumloon ta otro caminda e doño di trabao tin cu cort'e of loke e por haci ta un otro manera anto e chens ta grandi cu esey lo ta bay ta cu e ta gewoon hisa e prijs", Kock a expresa.
El a bisa cu al fin y al cabo a haya un aumento den salario, pero si e prijs tambe ta subi, ta yegando na e mesun resultado. Tur cos ta depende kico mas ta bay bin na banda y esey no ta cla aworaki.
KvK ta scucha di e decisionnan cu ta wordo tuma di parti di gobierno, pero gremionan tin cu sa kico e plan ta pa por bisa si por cargu'e of no. Pero mirando e resto di e cosnan e ta bay ta dificil pa hopi negoshi pa 2023 pa sigui bay, Monica Kock a expresa.
