ORANJESTAD (AAN): Recientemente Ministernan Endy Croes y Glenbert Croes a reuni hunto cu sra Sabine de Groot
di departamento di Labor y sra Sheila Maduro di maneho di enseñanza y director suplente di ‘Directie Onderwijs’ Aruba.
DIARIO a haya sa cu e punto di reunion riba continuacion y trabaonan cu tin cu worde haci e.o. e ‘doorlichting’ rapport di onderwijs, na unda cu un di e aspecto nan ta e PEL cu ta Plataforma Enseñanza y Labor.
Aki tin un nota skirbi y den cuadro di esaki, awor ta coordinando e maneho cu Enseñanza y Labor con ta sigui padilanti, kico tur ta e necesidadnan di e mercado laboral y ki typo di trabaonan mester y na su turno departamento di Enseñanza su maneho mester bay prepara tur locual cu departamento di labor ta exigi.
Den e ‘doorlichting rapport’ tin un capitulo unda ta splica cu mester coordina esaki hunto, mester tin data etc.. y prepara e Enseñanza na e typo cu mercado laboral ta pidi, pa esnan cu ta caba di studia y ta drenta mercado laboral.
Riba e puntonan aki e reunion a bay y a coordina entre Minister Endy Croes y Minister Glenbert Croes hunto cu Sabine de Groot di departamento di Labor y Sheila Maduro di maneho y director suplente di departamento di Enseñanza Aruba, ambos Minister a agrega cu tabata un bon reunion.
