ORANJESTAD (AAN): Minister di Finansa, Asunto Economico y Sector Primario, Geoffrey Wever,
a tene un reunion constructivo cu Señora Nathalie Maduro, director di Departamento di Landbouw, Veeteelt y Visserij (DLVV); Santa Rosa. Tema central tabata e presentacion di e Meerjarige Actieplan 2025–2028, un plan multi-anual cu ta fiha e direccion strategico pa desaroyo di sector primario na Aruba.
E punto principal di enfoke den e plan pa e ministerio di Economia y Sector Primario ta seguridad alimenticio. “Seguridad alimenticio no ta un luho, ta un necesidad,” minister Wever a bisa.
Tambe a elabora riba un estudio den ehecucion door di e compania Priva. E estudio aki ta forma parti y ta financia door di Landspakket y ta e base pa construccion di un Agri Innovation Park: un facilidad centralisa pa produccion di fruta y berdura local, na un forma innovativo.
DLVV Santa Rosa y Minister Geoffrey Wever lo sigui traha man den man den periodo di implementacion nos dilanti, pa logra un base fuerte pa un Aruba mas resiliente.
