Ministro Wendrick Cicilia a pasa saluda empleadonan di JOIA Aruba

ORANJSTAD (AAN): Den preparacion pa Dia Mundial di Turismo, Minister Wendrick Cicilia a bishita e resort JOIA Aruba by Iberostar na Eagle Beach.

  E titular di Turismo a haci esaki, pa personalmente expresa su aprecio pa nan trabou.

   Na su yegada, el a wordo ricibi na e resort luhoso door di gerente general Arnaud Le Lanchon, y tambe demas ehecutivonan Dominique Meyer (Executive Assistant Manager).  El a haya fabuloso saludo tambe di e bellman, Randy.

   Minister Cicilia a combersa cu varios empleado, y e ta aplaudi e trato cu JOIA Aruba ta duna su empleadonan. Durante e bishita por a tende cu hotel ta conta cu un bon cultura laboral y e beneficionan ta competitivo. Algo cu ta haci cu JOIA Aruba y principalmente e compania Iberostar rond mundo ta destaca, esta nan compromiso continuo cu sostenibilidad, y aki por menciona cu tur camber tin boter reusabel y mas.