Ministro Thijsen na evento special pa embahador Italiano Giorgio Novello

ORANJESTAD (AAN): Informacion for di Hulanda ta indica cu na Erasmus Universidad na Rotterdam a tuma lugar un evento special

"Charting the Course in Uncertain Times: a Dialogue between Academia and Diplomacy" organiza pa Rotterdam School of Management di Erasmus Universidad conhunto cu embahada di Italia.

   E evento aki tabata alavez den cuadro di despedida di Giorgio Nocello como embahador di Italia na Reino Hulandes. Minister Plenipotenciario demisionario mr. Ady Thijsen a asisti na e evento aki riba invitacion special di embahada di Italia.

  E evento a cuminsa cu un introduccion di profesor Stefano Tasselli, sigui pa un keynote speech di embahador di Italia Giorgio Novello, titula: "The T.E.M.P.L.E. Approach: At the C.U.T.ting Edge of International Relations – A Diplomat's Toolkit at a Glance." Novello a ricibi e Honorary Fellowship di Erasmus Centre for Business Management in Health and Life Sciences.

   Na final tabata tin un recepcion como despedida pa embahador Novello. Na e ocacion aki Minister Plenipotenciario demisionario mr. Ady Thijsen a haci entrega di un cuadra di e Fofoti di Aruba como recuerdo y aprecio pa e cooperacion hopi grandi entre embahada di Italia na Hulanda y Gabinete di Minister Plenipotenciario. Embahador Novello a gradici Minister Thijsen pa e bunita regalo y a bisa cu e ta termina su periodo na Hulanda cu un afeccion y aprecio hopi grandi pa e isla di Aruba. E potretnan ta cortesia di Arubahuis.