Ministro Thijsen a asisti na concierto den memoria di Tula

ORANJESTAD (AAN): E historia di Tula ta uno cu a wordo recorda hopi den ultimo dianan, specialmente na isla di Curaçao. 

Tur medio di comunicacion a dedica hopi mes pa asina sigui cu e educacion di e logro historico pa asina libera multitud di hende na Curaçao for di esclavitud.

   Recien inister Plenipotenciario Suplente mr. Ady Thijsen y esposa Yshel Thijsen-Rasmijn a asisti na e “Tula Herdenkingsconcert 2022” cu a tuma lugar na Amsterdam. Tambe presente na e concierto tabata Secretario di Estado pa Asuntonan di Reino Alexandra van Huffelen, Minister Plenipotenciario di Curaçao Carlson Manuel y Minister Plenipotenciario di St. Maarten Rene Violenus.

  E aña aki e concierto a consisti di actuacion di e Famoso Jazz Orchestra di Concertgebouw di Amsterdam hunto cu e pianista virtuoso, componista y arreglista di Curaçao Randal Corsen. Artista invita tabata e vocalista Curasoleño Dibo Doran.

   E potretnan aki pa cortesia di fotografo Jean van Lingen.