Ministro orguyoso cu fondo pa mehora e producto turistico a estrena un logo y website nobo

ORANJESTAD (AAN): Siman pasa a tuma luga un evento caminda e fondo pa mehora e producto turistico, Tourism Enhancement Fund,

conoci como TPEF, a conoce un logo nobo y como tambe nan a lansa nan website www.tpef.aw .

   Cu e pagina aki TPEF por tene comunidad informa riba tur e proyectonan cu ta worde financia pa e fondo importante aki pa turismo di nos Pais. Minister di Finansa Xiomara Maduro tabata presente y a haci uso di e oportunidad pa gradici personalmente e hunta di TPEF, specialmente e dos dama profesional cu ta representa Ministerio di Finansa y Cultura den TPEF.

   Pa medio di e fondo aki varios proyecto ta worde realisa pa mehora e producto turistico Aruba.

E mandatario ta expresa palabra di pabien y danki na colega Minister Dangui Oduber pa su liderazgo na bienestar di turismo na Aruba.